ՀՀ ԷՆ/Ministry of Economy of the Republic of Armenia

🌱 Հայաստանում գյուղոլորտը զարգանում է պետության աջակցությամբ։ Միայն գյուղտեխնիկայի լիզինգով ձեռք է բերվել 5483 միավոր տեխնիկա, պորտֆելը մոտ 23.9 միլիարդ դրամ է, Կառավարության սուբսիդիան գերազանցում է 4 միլիարդը։ Ագրոպարենայինի ծրագրով՝ տնտեսավարողները ձեռք են բերել ավելի քան 3600 միավոր սարքավորում։ Այստեղ արդեն պետության աջակցությունը կազմել է 14.4 միլիարդ դրամ։

🇦🇲🇺🇸 ՀՀ էկոնոմիկայի նախարարությունում քննարկվել են ՀՀ–ԱՄՆ համագործակցության ընդլայնման ուղղությունները մտավոր սեփականության պաշտպանության ոլորտում։ 🤝 ՀՀ էկոնոմիկայի նախարարի տեղակալ Անուշիկ Ավետյանը հանդիպել է ԱՄՆ առևտրի դեպարտամենտի Առևտրային իրավունքի զարգացման ծրագրի (Commercial Law Development Program, CLDP) գլխավոր իրավախորհրդատուի տեղակալ Զմարակ Խանի գլխավորած պատվիրակության հետ։ Հանդիպումը կայացել է ԱՄՆ պատվիրակության՝ Հայաստան կատարած այցի շրջանակում, որի նպատակն է զարգացնել երկկողմ համագործակցությունը և քննարկել ծրագրային նոր ուղղություններ։ 📌 Հանդիպման ընթացքում կողմերը կարևորել են ՀՀ–ԱՄՆ համագործակցությունը մտավոր սեփականության ոլորտում՝ ընդգծելով դրա առանցքային դերը մրցունակ, նորարարական և գիտելիքահենք տնտեսության ձևավորման գործում։ Նշվել է, որ առկա գործակցությունը նպաստում է ներդրումային միջավայրի բարելավմանը, տեխնոլոգիաների առևտրայնացման գործընթացի իրականացմանը և տնտեսական կայուն աճի ապահովմանը։ Առավել մանրամասն՝ հղումով։

🇦🇲🇬🇪 ՀՀ էկոնոմիկայի նախարարի տեղակալ Լիլյա Սիրականյանն ապրիլի 15-ին մասնակցել է Հայաստան-Վրաստան բիզնես ասոցիացիայի մեկնարկին և հայկական շուկա Helio.AI-ի մուտքին նվիրված միջոցառմանը։ 🤝 Միջոցառման նպատակն էր խթանել բարձր մակարդակի հանրային-մասնավոր երկխոսությունը, ներկայացնել ներառական բիզնես զարգացման հնարավորությունները և ապահովել ռազմավարական ցանցային հարթակ շահագրգիռ կողմերի՝ պետական կառույցների, մասնավոր հատվածի, միջազգային գործընկերների և գործարար շրջանակների համար։ 🔹 Նախարարի տեղակալը կարևորել է Հայաստան-Վրաստան գործարար ասոցիացիայի ստեղծումը և հույս հայտնել, որ այն կդառնա արդյունավետ հարթակ՝ աջակցելու շուկա մուտքին, խթանելու գործընկերությունների ձևավորմանը և զարգացնելու փոքր և միջին ձեռնարկատիրությունը։ Նա նաև ընդգծել է, որ Helio.AI-ի մուտքը հայկական շուկա վկայում է տարածաշրջանի՝ որպես տեխնոլոգիական համագործակցության և նորարարության զարգացող կենտրոնի ձևավորման մասին։ Առավել մանրամասն՝ հղումով։

📌 Մեկնարկել է «Դիմակայունության դպրոց» ծրագրի շրջանակներում երիտասարդների համար կազմակերպվող «Առանց փողկապ» հանդիպումների շարքը ՀՀ մարզերում: 🔹 Առաջիկա հանդիպումը տեղի կունենա ՀՀ էկոնոմիկայի նախարար Գևորգ Պապոյանի հետ՝ ս.թ. ապրիլի 22-ին, ժամը 16:30-ին, Վանաձոր քաղաքում: 🔗 Հանդիպմանը մասնակցելու համար գրանցվեք հետևյալ հղումով՝ https://forms.gle/kNnEFeu7srZW7QS99 ❗️Հանդիպման հստակ վայրը կտեղեկացնենք գրանցված մասնակիցներին: #resilienceschool